وقابلت أأأأأأأدم

انا حقيقي قابلت طفل فلسطيني اسمه ادم بجد دمه زي العسل وقعدت العب معاه وانا بلعب معاه تخيلت الكلام وكتبته

....................................................................
بقوله مالك يا ادم .. قالي مليش
حتى لو قلتك مفيش حل مفيش
قلتله قولي يمكن اقدر متعجزنيش
قالي بص ياعمو .. وبدات دموعه تسيل
اتولدت في بلاد غريبة
وعشت فيها ايام عجيبة
كل ما يسألوني انت مين
اصلك ايه فصلك ايه وبن مين
معرفش اجاوب وبرضه مبيسبونيش

سكت ومسحتله دمعه من الدموع
لقيت الخلق عليا ملمومه بالجموع
والدنيا بينا ضلمه والضو عالشموع
وادم الطفل البرئ عمال بقلب جرئ يهتف يقول
انا فلسطيني انا فلسطيني حقي في رقابيكم يا عجول
انا فلسطيني مشفتش فلسطيني فين قلوبكم ولا العقول
وهو عمال بيهتف قلبي عمال بينزف عذاب
هاجت مشاعري وانفتحت نيران من كل باب
بس مش عارف اهدي قلبه مش عارف اقوله ايه
ذنبه صح في رقبتي وفي رقبة كل هانم وبيه
نامو في العسل وشبعو نوم
والقدس بتنزف جراح كل يوم

قلتله يا ادم حقك عليا
سمحني على الي فات
والقدس هترجع ليك وليا
وخلاص الظلم مات

قالي عم تحكي جد
يعني مافي تاني حد
راح يسال انت مين
الا اقوله انا من فلسطين
هزيت راسي اه يا ادم اه
وقلبي قايد جوا مني الف اه
لازم ارجع حق ادم وحلمه احققه
والوعد الي وعدتهوله لازم يصدقه

بقلم / شاعر الانتفاضه