الثوره العربيه

موضوع: الثوره العربيه السبت أبريل 02, 2011 2:04 pm

زمان قبل يناير
وقبل ما يقوم اي ثاير
خوفوني من السياسة
وقالولي راح تحتار
جدار الخوف كان عار
انكسر والكل ثار
وعليها الظلم انهار
بقى ليا حق ومن حقي
يكون ليا اختيار

اول حاجه وقبل اي حاجه واهم حاجه
بقولها وقلبي قايد نار
لازم الانتفاضه لازم الانتفاضه

ومن هنا ورايح الانتفاضه هتبقى شعار

يعني ايه اكل واشبع واخويا هناك بيموت
واهزر وافرفش ويعلالي بالضحك صوت
لا وكمان مزقطط وعايش حياتي مبسوط
لا والف لا
فيه حاجات اهم
ده كل نقطة دم
تنزف انزف معاها مليون مره اموت

هنصمت ويا الانكسار
ونلعب ونقضيها هزار

نايم ليه ياعربي قولي نايم ليه
مديها طناش عالسكه مديها طناش ليه
عالعموم يا عم عربي انا رايح عالانتصار

رايح على اهم حاجه اهم حاجه
بقولها وقلبي قايد نار
لازم الانتفاضه لازم الانتفاضه
ومن هنا ورايح الانتفاضه هتبقى شعار

بقلم / شاعر الانتفاضه

» يعنى هى الثوره نجحت من شويه