مجنون في دنيا العقلاء
عدد المساهمات : 5 تاريخ التسجيل : 16/02/2011 الموقع : محمد مصطفى البهوتى
| موضوع: انا المصري الأربعاء فبراير 16, 2011 10:23 am | |
| أنا المصري
ممكن تقولي انت مين..
انا اللي باصرخ صرختي
تعدي الفضا وتملا الكون اهات ..
انا اللي بانده ندهتى
تسبي القلوب وترجع اللي فات ...
انا اللي بعدي عا الزمن
وبعدي وياه المحن
وبعدي كل الازمات ..
في كل مكان تلاقيني
صوت الضلام
لما يشق الليل يناديني يناجيني ...
يحب طلعتي
واحب طلعته
زي طلعه فجر بعد ليل طويل ..
زي تايه في السما من غير دليل ..
زي صرخه ناي
جوه الغنا زي المواويل ..
زي صوت ساقيه
بتروي العطاشى والمحرومين ..
تحب اقولك انا ابقى مين ..
انا قنديل ام هاشم ينور للغلابه والمحرومين ..
ينورالعتمه وسط ليلهم الحزين ..
زي روح بتنده جوه القبور ..
بتقول انا عايش وسط الممات ...
انا اللي هاملا الكون اهات
انا المصري اللي شايل على كتافه حمل السنين ...
انا اصل الحضاره .. مش مصدق ..
الهرم والنيل عليا شاهدين . ..
انا اصل الطهاره .. مش مصدق
اسال ازهري والمساجد والحسين
كل العلوم عندنا ..
كل المعارف مزروعه هنا ..
في كل مكان تلاقيني ..
في كل مجال تلاقيني ..
طه حسين شعراوي
مجدي يعقوب برادعي
الباز احمد زويل ..
اعد مين واللا مين
كلهم صعايده وفلاحين
م اللي شالو على كتافهم حمل السنين
دول ولادنا ومننا لا غربيين ولا شرقيين
ولا من بلاد الصين
دول فلاحين م اللي شالو على كتافهم حمل السنين ..
عرفت بقى انا ابقى مين ..
انا بس ساكت ومستني لحين ..
انا الفلاح اللي في الارض زارع ..
انا الدكتور انا المهندس ..
انا العامل جوه المصانع ..
وانا اللي بابني العماير واعمل شوارع ..
في كل مكان تلاقيني ..
في كل مجال تلاقيني ..
مرفوع الهامه وسايب برجلي ..
على كل ارض مليون علامه
وقت الشدايد تلاقيني اقابلك برضه بابتسامه ..
وف عز شدتي ف عز محنتى ..
تلاقيني واقف وصامد تلاقيني راجل وجامد ..
لو مش مصدق
اسال عليا السنين تقولك انا ابقى مين ..
تحب تاني اقولك انا ابقى مين ..
انا المصري اللي شايل على كتفه حمل السنين
محمد مصطفى البهوتي
| |
|
المدير العام™
عدد المساهمات : 65 تاريخ التسجيل : 15/02/2011
| موضوع: رد: انا المصري الأربعاء فبراير 16, 2011 10:34 am | |
| مششششششششششششششكور
على موضوعك الاكتر من رائع والله يعطيك الف عافيه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, | |
|
admin Admin
عدد المساهمات : 114 تاريخ التسجيل : 15/02/2011 العمر : 53
| موضوع: تهانى الخميس فبراير 17, 2011 2:05 am | |
| مشكور اخ محمد على شعرك الرائع | |
|